Connect with us

Arsim

Pa qëndrim zyrtar si do të trajtohen mësimdhënësit e pavaksinuar

Published

on

13 shtatori po afrohet, por dilemat për fillimin e vitit të ri shkollor vazhdojnë të mos kenë përgjigje. Ende nuk janë vaksinuar i tërë  stafi i mësimdhënësve, sikundër as nxënësit. Po ashtu nuk dihet qartë se si do të veprohet më mësimdhënësit e pavaksinuar, se si do të zëvendësohet ata. Në Drejtorinë komunale të arsimit kërkuam sqarime më të plota:

“Ne kemi një takim sot me Ministrinë pra do të jemi në një takim online dhe do të shohim se cilat do të jenë vendimet që do të merren. Kurse sa i përket atyre kërkesave të cilat apo përgatitjeve që është dashtë të i bëjmë ne, si Komunë, qofshin teknike apo qofshin edhe përgatitje të tjera, në fakt i kemi bërë. Prioritet i kemi dhënë vaksinimit të mësimdhënësve dhe deri më tani nga 1 mijë e 784 mësimdhënës apo më mirë të themi staf mësimor, staf i cili është brenda shkollës duke përfshirë drejtorët, zëvendës drejtorët, sekretarët e shkollave, punëtorët ndihmës dhe të tjerët janë vaksinuar 1 mijë e 525, që nëse e shohim në përqindje i bie mbi 85% të mësimdhënësve të cilët janë vaksinuar. Këto shifra janë të javës së kaluar, sepse ne e kemi një formular, çdo javë jemi të obliguar që raportojmë për vaksinimin e të gjithë mësimdhënësve. Duke marrë parasysh këto përqindje dhe shifra që i thash, Komuna e Ferizajt nuk është keq sa i përket vaksinimit të mësimdhënësve dhe po besojmë se deri me datën 13 shtator, ne do të kemi përafërsisht mbi 95% të mësimdhënësve të cilët do të vaksinohen.

Afrim Llabjani – Drejtor i Drejtorisë së Arsimit
Afrim Llabjani – Drejtor i Drejtorisë së Arsimit

Ndërsa sa i përket mos vaksinimit të mësimdhënësve Llabjani, shton se ende nuk kanë marrë ndonjë vendim për ndëshkim të tyre.

“Ne nuk kemi ndonjë vendim të tillë për këtë çështje sepse është diçka e cila rregullohet me rregullativat ligjore dhe nuk kemi ndonjë vendim nga Ministria e Arsimit, se çka do të bëhet dhe cilat do të jenë masat. Por, po besoj që mësimdhënësit janë të vetëdijshëm, e dinë rëndësinë e profesionit të tyre dhe ata do të jenë të gatshëm të vaksinohen në mënyrë që të kenë siguri edhe për vete, por edhe për nxënësit, të cilët do të jenë para tyre. Prandaj nuk e shoh që do të kemi ndonjë problem, sa i përket jo vaksinimit të tyre, që për me marrë ndonjë masë ndëshkuese për ta , por do të jenë ata që do të vendosin në këtë drejtim, ku do të jenë në nivelin e detyrës dhe përgjegjësisë  që e kanë për tu vaksinuar të gjithë. Duhet ta kemi parasysh që mësimdhënësit mund të kenë ndonjë sëmundje ku mundet me qenë pengesë e mosvaksinimit të tyre por do të jetë me rekomandimin e mjekëve dhe nuk do të ketë ndonjë telash.”

Afrim Llabjani – Drejtor i Drejtorisë së Arsimit

Në anën tjetër për nxënësit, Ministria e Shëndetësisë u bën thirrje të gjithë qytetarëve të grup-moshës mbi 16 vjeç, sikurse edhe kategorisë së fëmijëve të moshës prej 12-15 vjeç, me indikacione mjekësore, që të vaksinohen, si mënyra më e përshtatshme për t‘u mbrojtur dhe për të frenuar përhapjen e COVID-19.

Në ndërkohë, pas mbajtjes së takimit online të Ministres së Arsimit, Arbërie Nagavci me drejtorët e drejtorive komunale u shpreh gatishmëria për të filluar vitin e ri shkollor, por vendimi përfundimtar do të merret në ditët në vijim pas rekomandimeve përfundimtare të institucioneve shëndetësore.

Continue Reading
Click to comment

Leave a Reply

Your email address will not be published. Required fields are marked *

Arsim

Të enjten në Ferizaj ndihmohen prindërit për aplikim për subvencionimin e librave

Published

on

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Continue Reading

Arsim

Në E-Kosova hapet platforma për subvencionimin e librave shkollorë

Published

on

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Continue Reading

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

on

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.

Continue Reading

Trending