Botë

MCC: Qeveria e Kosovës po kryen detyrat e shtëpisë

Published

4 years ago

02 October, 2021

Drejtoresha Menaxhuese e MCC për Evropën, Azinë, Paqësorin dhe Amerikën Latine, Caroline Nguyen dhe Zëvendëspresidenti për Infrastrukturën, Mjedisin dhe Sektorin Privat, Jonathan Richart, zhvilluan një seri takimesh produktive me Qeverinë e Kosovës gjatë vizitës së tyre treditore në Kosovë(28-30 shtator 2021), duke ndihmuar në përcaktimin e fushëveprimit të projekteve të mundshme.

“Vendosmëria e vendit është gur themeli i modelit të MCC, që do të thotë se investimet e programit Kompakt zhvillohen dhe udhëhiqen nga vendet partnere. Qeveria e Kosovës ka ndërmarrë një hap tjetër të rëndësishëm në procesin e zhvillimit të programit Kompakt, duke prioritizuar tre fusha të mundshme për investime – (1) ruajtjen e energjisë, (2) forcimin e rrjetit të energjisë elektrike, dhe (3) ngritjen e kapaciteteve punëtore, duke përfshirë barazinë gjinore.””Kompakti MCC-Kosova do të ndihmojë në modernizimin e sektorit energjetik të vendit dhe krijimin e një peisazhi që mundëson zhvillimin e biznesit”, shtoi Nguyen.

“Me përparimin e bërë në këtë udhëtim, MCC dhe Qeveria e Kosovës tani mund të ndërmarrin hapa drejt finalizimit të Marrëveshjes MCC-Kosovë në mënyrë që të mund të shkojmë drejt nënshkrimit dhe zbatimit të programit.” u shpreh drejtoresha e MCC, Caroline Nguyen.

Korporata e Sfidës së Mijëvjeçarit (The Millennium Challenge Corporation) është agjenci a pavarur shtetërore e SHBA-së e cila angazhohet për uljen e varfërisë përmes rritjes ekonomike. Që nga përzgjedhja e Kosovës për progarmin kompakt më 2018, MCC ka punuar shumë afër me qeverinë pë rtë identifikuar dhe zhvilluar investimet infrastrukturore, të cilat do ta ndihmojnë Kosovën në rrugën drejt rritjes gjithëpërfshirëse dhe të qëndrueshme ekonomike.

Botë

Izraeli thotë se ka vrarë zyrtarë të lartë të inteligjencës iraniane

Published

1 week ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

1 week ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

1 week ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë