FIQ mban tryezë të rrumbullakët për çështjet e sigurisë

Published

4 years ago

18 November, 2021

Forumi për Iniciativën Qytetare sot mbajti takim me të rinjtë e qytetit të Ferizajt, ku diskutuan për problemet me të cilat ballafaqohet sistemi arsimor në këtë qytet.

Adrian Emini, zyrtar i programeve në “FIQ” prezantoi para të pranishmëve misionin dhe objektivat e organizatës.

“Ne si forum për Iniciativa qytetare i cili është i themeluar në Ferizaj ka filluar aktivitetin e tij në vitin 2000 dhe i ka 3 fusha primare të cilat i promovon. E para është përshpejtimi i punësimit të të rinjve, programi i dytë është zhvillimi i organizatave të shoqërisë civil, rritja e kapaciteteve të tyre që ato me avoku për problemet që i kanë qytetarët në nivel lokal dhe atë qendror. Pika e tretë është promovimi i filantropisë”
Adrian Emini – Zyrtar i programeve në “FIQ”

Emini tregoi se takimi i sotëm ishte i dedikuar për t’i dëgjuar problemet dhe për t’u njoftuar me aktivitetet të cilat të rinjtë po i zhvillojnë pas procesit mësimor.

“Kësaj here kemi ardhë me fol për rininë dhe për aktivitetet që i zhvilloni pas mësimit në anën tjetër dua me ndëgju edhe faktorë të tretë të cilët u shtyn jashtë normales duke bërë sjellje devijonte. Në Malishevë dhe në Mitrovicë ku po implementohet aktivitete të njëjta si kjo që po mbahet këtu në Ferizaj. Rinia e tyre po ka probleme që nxënësit janë të ekspozuar jashtë orarit të mësimit ndaj faktorëve të cilat më pas po i shtyjnë të rinjtë që të dalin jashtë normales për sigurinë e tyre. Domethënë ata janë duke bërë veprime që nuk janë të mira për ta në aspektin e sigurisë kështu duke i lëkundur shtyllat ku karriera e tyre zhvillohet.”
Adrian Emini – Zyrtar i programeve në “FIQ”

Në këtë bashkëbisedim përveç nxënësve, të pranishëm ishin edhe anëtarë të Kuvendit të të Rinjve të Ferizajt.

Të enjten në Ferizaj ndihmohen prindërit për aplikim për subvencionimin e librave

Published

2 years ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

2 years ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

3 years ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.