Kosovë

Krasniqi-Kurtit: Nuk janë të gjithë duke u marrë me ty, njerëzit i kanë telashet e veta

Published

2 years ago

22 September, 2022

Kryetari i Partisë Demokratike të Kosovës (PDK), Memli Krasniqi, i ka reaguar kryeministri Albin Kurti, i cili në seancën e sotme të Kuvendit tha se nga opozita “greva po përdoret si armë kundër kryeministrit”.

Në replikën e tij, Krasniqi tha se Kurti mendon se të gjithë janë kundër tij, por në realitet njerëzit kanë shumë halle.

“Kryeministri ishte këtu dhe tha se të gjithë kanë problem me të. Është e pakuptimtë se si e përmendi 14 shkurtin. Si është e mundur që qytetarët me ia dhënë mbi 50 për qind të votave më 14 shkurt e qysh u bonën ata persona me ta pasë inat tani?”.

“Problemi është që nuk janë të gjithë duke u marrë me Albin Kurti, por ai duhet të merret me të gjithë sepse e ka përgjegjësi. Është kryeministër i vendit. Ai mendon se të gjithë kanë probleme me të. Por, në realitet njerëzit i kanë telashet e veta”, u shpreh i pari i PDK-së.

Sa i përket grevës së punëtorëve të sektorit publik, Krasniqi tha se i gjithë shteti është në rrezik për t’u bllokuar.

“Ne po flasim për grevën në arsim, po në grevë janë edhe shërbyesit civilë edhe administrata në universitet. Shërbimet janë të cenuara ashtu siç është i cenuar procesi mësimor. Problemi është i madh. Sot e pamë që kishte grevë edhe në Ministrinë e Jashtme. Disa greva të tjera janë paralajmëruar se do të mbahen. Krejt shteti është në rrezik për t’u bllokuar”.

“I kemi mbi 300 mijë nxënës që janë jashtë bankave shkollore për shkak të kokëfortësisë së Qeverisë dhe sindikatave po ashtu. Na kanë futur në sendviç. Qeveria dhe sindikatat na kanë futur në sendviç të gjithëve. Por, mësimdhënësit janë humbës. Gjendja për ta është shumë e rëndë”, deklaroi ai.

Krasniqi ndër të tjera shprehu konsideratë për deputeten e deritashme të Kuvendit nga radhët e Vetëvendosjes, Vasfije Krasniqi, e cila një ditë më parë njoftoi se ka dhënë dorëheqje nga posti i saj për arsye shëndetësore. /Telegrafi/

Kosovë

Suspendohet nga puna profesori universitar Xhevat Krasniqi

Published

22 hours ago

23 April, 2024

Redaksia

Universiteti i Prishtinës “Hasan Prishtina” ka marr vendim që të pezulloj nga puna profesorin Xhevat Krasniqi.

Këtë e kanë bërë të ditur nga UP përmes një komunikate për media.

“Mbi bazën e vendimit të Këshillit të Etikës dhe rekomandimit drejtuar Rektoratit, Rektori i UP-së mori vendim për pezullimin nga puna të Prof. Xhevat Krasniqi, me efekt të menjëhershëm, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit.”

“Bazuar në informatat e ofruara nga Këshilli i Etikës i Universitetit të Prishtinës, në lidhje me denoncimin e paraqitur ndaj Prof. Xhevat Krasniqi, UP njofton se Këshilli i Etikës ka marrë vendim mbi këtë rast.

Këshilli i Etikës i rekomandon Rektoratit që çështjen e referuar kundër Prof. Xhevat Krasniqi ta procesojë edhe formalisht në organet e hetuesisë dhe të bashkëpunojë me to si dhe i rekomandon Rektoratit pezullimin nga puna të Prof. Xhevat Krasniqin, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit.

Kosovë

Politikani Sandulloviq falënderon presidenten Osmani për ngritjen e çështjes së tij në OKB

Published

1 day ago

23 April, 2024

Redaksia

Politikani serb, Nikolla Sandulloviq, ka falënderuar presidenten e Kosovës për ngritjen e çështjes së atentatit ndaj tij, në mbledhjen e djeshme të Këshillit të Sigurimit të OKB-së në Nju Jork.

Përmes njԯ postimi në Facebook, Sandulloviq tha se atentati ndaj tij u bë nga policia sekrete serbe BIA me urdhër të presidentit serb Aleksandar Vuçiq.

“Atentat i cili u urdhërua sepse vendosa lule në varrin e vajzës shqiptare të vrarë, Blerina Jashari, e cila ishte vetëm 7-vjeçe!”

“Tani e vërteta për rastin tim ka ardhur në OKB, që e gjithë bota ta dijë se si po përhapet urrejtja në Serbi nga regjimi diktatorial ndaj të gjithëve në Serbi që duan paqe dhe pajtim ndërmjet serbëve dhe shqiptarëve”, shkroi Sandulloviq duke shtuar se tashmë edhe OKB-ja e di se si po persekutohen, arrestohen, rrihen e burgosen kundërshtarët politikë të Aleksandër Vuçiqit!

Kosovë

Dënohen me 62 vjet burgim të akuzuarit për dhunimin e vajzës 11 vjeçare

Published

1 day ago

23 April, 2024

Redaksia

Gjykata Themelore në Prishtinë ka dënuar me 62 vjet burgim të akuzuarit në lidhje me rastin e dhunimit të një të miture 11 vjeçare.

Sipas njoftimit që ka lëshuar gjykata, të akuzuarit B.R, D.RR, B.S, M.S, F.S, M.R janë shpallur fajtor dhe janë dënuar nga gjykata, pasi të njëjtit veç e veç kanë kryer veprën penale të Dhunimit, ashtu që i akuzuari B.RR është dënuar me dënim me burgim në kohëzgjatje prej dymbëdhjetë (12) viteve, ndërsa të akuzuarit D.RR, B.S, M.S, F. S dhe M.R janë dënuar në kohëzgjatje prej dhjetë (10) vitesh, secili veç e veç.

“I akuzuari G.S është liruar nga aktakuza për veprën penale të Dhunimit, i pandehuri D.RR është liruar nga aktakuza për veprën penale Ndihmë në kryerjen e veprës penale të Dhunimit, i pandehuri F.S është liruar nga aktakuza për veprën penale Ndihmë në kryerjen e veprës penale të Dhunimi, si dhe i akuzuari E.S është liruar nga aktakuza për veprën penale Ndihmë në kryerjen e veprës penale të Dhunimit”, thuhet në njoftim.

Të akuzuarve B.R, D.RR, B.S, M.S, F.S dhe M.R. iu është caktuar masa e paraburgimit deri ne plotfuqishmërinë e aktgjykimit.

“Të akuzuarit janë obliguar të kompensojnë shpenzimet e procedurës penale, ndërsa pala e dëmtuar është udhëzuar në kontest civil për kërkesën pasurore”.