Connect with us

Ferizaj

“Bifrukacioni” ofron marrëveshje të “diskutueshme” për borxhlinjtë

Published

on

Kompania Rajonale e Ujësjellësit dhe Kanalizimit “Bifurkacioni”, të hënën publikoi një listë të borxhlinjve të kësaj kompanie, ku kërkoi nga ta që brenda shtatë ditësh të kryejnë obligimet përndryshe do të dërgohen tek përmbaruesi.

Menaxheri i departamentit të shitjes në këtë kompani, Shkelzen Selmani thotë se borxhlinjve po u japin mundësinë që deri në tre vjet ta paguajnë borxhin me këste.

Në kompaninë “Bifurkacioni” ka arrit niveli i llogarive të arkëtueshme në afër 7 milionë euro. Ne kemi njoftu mbi 1500 konsumatorë me mbi 1000 euro borxhe, i kemi lutë që të vijnë në kompani ta bëjnë një pagesë 20 apo 30% dhe ta bëjmë riprogramimin që na lejon ligji, deri në 3 vjet që mos t’i dërgojmë në përmbarues“, deklaroi Selmani.

Për ata që nuk lajmërohen dhe të nënshkruajnë marrëveshje për larjen e borxhit, Selmani thotë se brenda muajit dë të dërgohen tek përmbaruesi.

Deri tani afër 500 kontrata i kemi bë. Nuk jemi të interesuar që direkt t’i dërgojmë konsumatorët në përmbarues por tu ofrojmë një mundësi që të riprogramohen borxhet“, shtoi Selmani.

“Bifurkacioni” planifikon që pas borxhlinjve me mbi 1 mijë euro borxhe të thërrasin për shlyerje të borxhit edhe ata me borxh mbi 500 euro.

Televizoni Tema ka kontaktuar edhe me një përmbarues privat, i cili tha se obligimet e shërbimeve publike kanë afat ligjor për dërgim tek përmbaruesi 1 vit.

Tutje shtoi se lëndët që kanë fatura më të vjetra se 1 vit mund të refuzohen nga Gjykatat.

Ferizaj

Arrestohet një person i kërkuar në Ferizaj

Published

on

Policia e Ferizajt  ka arrestuar personin e kërkuar L.Q ( M/K) i moshës 25 vjeç.  

Ai u arrestua, të hënën,  më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Continue Reading

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

on

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.

Continue Reading

Ferizaj

Vrasja në Ferizaj – I arrestuari është ish-bashkëshorti i viktimës

Published

on

Prokuroria themelore në Ferizaj ka konfirmuar se i dyshuar për vrasjen e një gruaje (21 vjeç) dhe plagosjen e një të riu, pasditen e sotme në Ferizaj është ish-bashkëshorti i viktimës.

Sipas prokurorisë në Ferizaj, dyshoohet që motivi është te një mosmarrëveshje mes ish-bashkëshortëve. Ata janë takuar afër Qendrës për Punë Sociale dhe aty ka ndodhur rasti.

Siç mësohet, dy ish-bashkëshortët  ishin në proces të ndarjes dhe kanë pasur mosmarrëveshje për çështjen e kujdestarisë së fëmijëve, kurse i plagosuri është vëllai i viktimës.

 I dyshuari ka kërcënuar edhe një punëtore sociale në këtë qendër, derisa pas të shtënave ai ka tentuar të largohet nga vendi i ngjarjes kur edhe u arrestua nga Policia.

Njoftimi i Policisë:

“ Me datën 12.04.2024 në ora 14:40 kemi pranuar një informatë se në Qendrën për Punë Sociale në Ferizaj ka të shtëna me armë zjarri . Për pasojë,  nga të shtënat e armës sê zjarrit një person e gjinisë femërore ka ndërruar jetë në vendin e ngjarjes, kjo është konfirmuar nga mjekët kujdestarë, ndërsa është plagosur një person mashkull , i cili është dërguar në Qendrën Emergjente në Ferizaj.

I dyshuari pasi ka shtënë me armë zjarri është larguar nē drejtim të panjohur.

Ekipe të policisë menjëherë kanë rrethuar zonën dhe në ora 15:15 kanë arritur që tê arrestojnë të dyshuarin e kësaj ngjarje.

Ekipe të hetuesve dhe krimteknikët  janë në vendin e  ngjarjes të cilët janë duke e ekzaminuar vendin e ngjarjes,  ndërsa për të gjitha veprimet policore është njoftuar prokurori i shtetit” thuhet në njoftimin e Policisë së Kosovës.

Continue Reading

Trending