Ministrja e Drejtësisë, Albulena Haxhiu, ka reaguar ndaj mbajtjes nën arrest të aktivistes Neri Ferizi, e cila u arrestua të enjten gjatë protestës kundër vrasjes së grave.

Haxhiu përmes një postimi në Facebook ka kritikuar Prokurorinë, duke thënë se po i toleron kriminelët e të korruptuar, ndërkaq po i përndjek aktivistët.

Sipas saj, aktivistët kanë të drejta dhe liri të plota për të protestuar.

“Prokurori që përndjek aktivistët dhe toleron kriminelët e të korruptuarit. Aktivistët kanë të drejtat dhe liritë e plota qytetare për të protestuar ndaj çdo institucioni”, ka shkruar Haxhiu.

Në protestën e organizuar pas vrasjes së gruas shtatzënë nga ish-burri i saj është arrestuar aktivistja nga Mitrovica, Neri Ferizi.

Ajo është arrestuar nën dyshimin se ka hedhur mjete zjarrvënëse në drejtim të objektit kryesor të Qeverisë së Kosovës./Koha

Të ngjashme

Të tjera