Sport

UEFA dhe FIFA padrejtësisht bllokuan krijimin e Superligës Europiane

Published

2 years ago

21 December, 2023

Gjykata Evropiane e Drejtësisë në Luksemburg i hapi sot rrugë krijimit të Superligës Evropiane (ESL) në futboll, pasi vendosi se dy institucionet më të larta të futbollit, FIFA dhe UEFA kanë vepruar në mënyrë të paligjshme në bllokimin e krijimit të kësaj lige në vitin 2021.

Në vendimin që u cilësua si jashtëzakonisht i madh dhe i paprecedentë, Gjykata ka thënë se të dy organet, FIFA dhe UEFA po abuzonin me pozitën e tyre dominuese në sport pasi ato vepruan kundër ligjit të konkurrencës duke bllokuar formimin e Superligës Evropiane. Me këtë vendim, ka treguar se shtëpitë e futbollit nuk mund t’i ndalojnë klubet të luajnë në organizime tjera të futbollit.

Liga e propozuar nga klubet nismëtare Barcelona, Real Madrid dhe Juventus që përfshin 12 nga klubet më të mëdha të Evropës, duke përfshirë gjashtë skuadra angleze, u rrëzua menjëherë pasi u shpall në prill 2021, duke shkaktuar reagim të gjerë.

Liverpool, Manchester United, Manchester City Arsenal, Chelsea dhe Tottenham, u detyruan të tërhiqen nga kjo ide pas reagimeve nga shumta nga bota e sportit dhe politikanët.

Asokohe, këto 6 klubet angleze, bashkë me Atletico Madridin, Inter Milan and AC Milan u ndëshkuan nga UEFA, kurse ndëshkimi ndaj Barcelonas, Real Madridit dhe Juventusit u pezullua pas dërgimit të rastit në gjykatë.

A22 Sports Management, si kompani themeluese e Superligës, sfidoi të drejtën e FIFA-s dhe UEFA-s për të bllokuar formimin e ESL-së.

Para gjyqtarëve, kompania dëshmoi se organet ndërkombëtare dhe evropiane të futbollit kanë monopol të padrejtë dhe dominim tregu në drejtimin e garave të klubeve.

Gjykata Evropiane e Drejtësisë, në si gjykata supreme e BE-së, vendosi se rregullat e FIFA-s dhe UEFA-s për miratimin paraprak të garave të klubeve janë në kundërshtim me ligjin e konkurrencës të BE-së. “Ne kemi fituar të drejtën për të konkurruar. Monopoli i UEFA-s ka mbaruar. Futbolli është falas. Klubet tani janë të lira nga kërcënimi i sanksioneve dhe të lira të përcaktojnë të ardhmen e tyre”, ka shkruar në “X” drejtori ekzekutiv i A22, Bernd Reichart.

„We have won the #RightToCompete. The UEFA-monopoly is over. Football is FREE. Clubs are now free from the threat of sanction AND free to determine their own futures”, our CEO Bernd Reichart comments the CJEU decision. 1/4
— A22 Sports (@A22Sports) December 21, 2023

Up Next

Dy skiatorë përfaqësojnë Kosovën në Lojërat Olimpike Dimërore për të Rinj

Don't Miss

Kupa e Kosovës: Dinamo pret Vushtrrinë kurse Ferizaj i shkon Vëllaznimit

Click to comment

Kosovë

Kosova me ngritje historike në ranglistën e FIFA-s

Published

2 weeks ago

17 October, 2025

Redaksia

Përfaqësuesja e Kosovës në futboll është ngjitur për shtatë pozita në renditjen e fundit të FIFA-s, të publikuar të premten.

Kështu, pas sukseseve të arritura në kualifikimet për Kupën e Botës 2026, kur “Dardanët” barazuan pa gola me Slloveninë në stadiumin “Fadil Vokrri” në Prishtinë, ndërsa fituan 1:0 në Goteborg ndaj Suedisë, Kosova renditet në pozitën e 84-të, që njëkohësisht është edhe renditja më e mirë që nga pranimi në organizatën botërore të futbollit.

Ngjitje për 5 pozita ka shënuar edhe Shqipëria, duke u renditur në vendin e 61-të në ranglistën e FIFA-s. Kjo pas i, më 11 tetor, Shqipëria e mposhti Serbinë 1:0 dhe tre ditë më pas edhe Jordaninë 4:2 , në miqësoren e zhvilluar në Tiranë.

Ranglistës edhe më tej i prinë Spanja, pasuar nga Franca dhe Argjentina e cila tani renditet e treta.

Lajme

Shorti i Ligës së Konferencës: Drita përballet me Shkëndijën

Published

2 months ago

29 August, 2025

Redaksia

Shorti i hedhur sot, për ndeshjet në Ligën e Konferencës përcaktoi edhe një duel interesant mes dy ekipeve shqiptare. Drita e Gjilanit, si vendëse, do të luaj kundër Shkëndijës së Tetovës.

Sipas shortit, “Intelektualët” në këtë fazë të ligës, krahas Shkëndijës, do të jenë mikpritës edhe të ekipeve AZ Alkmaar (Holandë) dhe Omonia (Qipro) ndërkaq si mysafir i shkojnë ekipeve Rayo Vallecano (Spanjë), Kups Kupio (Finlande) dhe Shelbourne (Irlandë).

Tetë ekipet me më së shumti pikë nga Faza e Ligës kualifikohen në raundin e 16 ekipeve më të mira, kurse ato që renditen nga pozitat 9 deri 24 luajnë në fazën e playoff.

Ferizaj

Kupa e Kosovës në hendboll mbetet në Ferizaj

Published

6 months ago

28 April, 2025

Redaksia

Hendbollistët e Kastriotit fituan për herë të tetë Kupën e Kosovës, pasi në finale mposhtën Besa Famgasin me rezultat 29:24.

Në praninë e rreth 3 mijë shikuesve të mbledhur në palestrën “Bill Klinton”, dy finalistët në pjesën e parë ishin të barabartë ndërsa shkëputja e ferizajasve u bë në mesin e pjesës së dytë dhe kjo epërsi u mbajt deri në fund.

Portieri Wadi Chebbi u dallua te Kastrioti edhe në finale, ndërsa u shpall lojtari më i mirë i turneut përfundimtar të Kupës.

Deniz Terziqi i shënoi dhjetë gola për Kastriotin. Pesë i shënoi Lulzim Shabani e nga katër Hamdi Salihu e Vlerson Zherka. Te Besa më efikasi ishte Olsi Mulaj me shtatë gola.

Kupën e Kosovës, kapitenit të Kastriotit, Rron Ramadani, ia dorëzoi presidenti i FHK-së, Edin Kolgeci.

Kujtojmë që në gjysmëfinale, Kastrioti mposhti Rahovecin me rezultat 27:24 kurse në takimin tjetër Besa e mposhti Vushtrrinë me rezultat 42:24.