Sport

Përmallohet Xavi: Do të doja që Messi të kthehet në Barcelonë

Published

4 years ago

30 July, 2022

administrator

Xavi Hernandez pranoi se do të dëshironte që Lionel Messi të kthehej në Barcelonë.

Trajneri i katalanasve pranoi se aktualisht nuk është asgjë më shumë se një ëndërr.

“Messi ka një kontratë dhe nuk është asgjë më shumë se një utopi, kështu që ne do të fokusohemi në atë që mund të bëjmë këtë vit. Natyrisht, unë do të doja që koha e Messit në Barcelonë të mos kishte përfunduar ashtu siç përfundoi dhe që ai të kishte një shans të fundit për të thënë lamtumirë në një mënyrë më të mirë. Sigurisht që do të doja të ndodhte, por ai ka kontratë”, tha trajneri spanjoll, përcjell GazetaBlic Sport.

Edhe pse Barça tashmë ka siguruar lojtarë si Raphinha, Lewandowski apo Koundé, Xavi nuk e mbyll derën për më shumë përforcime: “Çdo gjë që është përforcim është e mirë. Tashmë kam thënë që duhet të kem dy lojtarë për çdo pozicion, më shumë këtë vit me Kupën e Botës. Ne kemi nevojë për lojtarë për të konkurruar dhe për të qenë më të mirë. Nëse duam të forcojmë veten, aq më shumë aq më mirë”, përfundoi ai.

Lajme

Donjeta Sadiku, e artë në Lojërat Mesdhetare

Published

2 weeks ago

27 August, 2026

Redaksia

Boksierja nga Kosova, Donjeta Sadiku, ka fituar medaljen e artë në Lojërat Mesdhetare “Taranto 2026”, pasi në finale mposhti garuesen e Serbisë, Kristina Kuluhova.

Kuluhova, ruse që përfaqëson Serbinë, u lëndua dhe meçi i finales në kategorinë deri në 60 kilogramë, u ndërpre në rundin e dytë.

Kjo është medalja e parë e Kosovës në Lojërat Mesdhetare, që këtë vit mbahen në Itali.

Ekipi i Kosovës në këto lojëra përbëhet nga 163 sportistë, 87 meshkuj dhe 76 femra që garojnë në 21 sporte të ndryshme.

Kosova do të jetë mikpritëse e lojërave të ardhshme mesdhetare që do të mbahen më 2030.

| Radio Evropa e Lirë

Ferizaj

Ferizaj kualifikohet në finale të Kupës së Kosovës në futboll

Published

5 months ago

22 April, 2026

Redaksia

Futbollistët e Ferizajt u kualifikuan për në finalen e Kupës së Kosovës në futboll, pasi në gjysmëfinale eliminuan ekipin e Llapit me rezultat të përgjithshëm 2:1.

Ndeshja e kthimit, e zhvilluar sot në stadiumin e qytetit të Ferizajt, përfundoi pa gola 0-0, por falë fitores prej 2-1 si mysafir në ndeshjen e parë, ferizajasit siguruan vendin në finalen e madhe ku do të përballen me Dukagjinin, i cili në gjysmëfinalen tjetër, eliminoi Ballkanin me rezultat të përgjithshëm 6:2.

Takimi i sotëm në Ferizaj u ndërpre për disa minuta pas hedhjes të gjësendeve në fushë nga shikuesit, për të vazhduar vetëm pas largimit të tërësishëm të shikuesve nga tribunat.

Kjo do të jetë finalja e tretë për ferizajasit, pas asaj të edicionit 2011/2012 kur humbi nga Trepça ’89 dhe finales së edicionit 2012/2013 të cilën e humbi nga Prishtina.

Kosovë

Distria shpallet kampione e Evropës në Tbilisi

Published

5 months ago

16 April, 2026

Redaksia

Xhudistja kosovare Distria Krasniqi fitoi medaljen e artë në Kampionatin Evropian që po mbahet në Tbilisi të Gjeorgjisë.

Distria e fitoi titullin katërt e më të mirës në Evropë, pasi në finalen e kategorisë deri në 52 kilogramë mundi francezen Amandine Buchard me një “Yuko”.

Distria ishte bartëse e parë e kategorisë deri 52 kilogramë dhe deri në finale arrit pasi mundi xhudisten çeke Tereza Bodnarova, polaken Aleksandra Kaleta dhe në gjysmëfinale mposhti në kohën shtesë, po ashtu me “Yuko”, italianen Odette Giuffrida.

Nga përfaqësueset kosovare sot garuan edhe Fatjona Kasapi e cila në kategorinë deri në 52 kg u eliminua në xhiron e dytë dhe Erza Muminoviq e cila në kategorinë deri në 48 kg, humbi që në raundin e parë.

Të premten, rrugëtimin e tyre për medalje evropiane, do ta nisin edhe Akil Gjakova, Laura Fazliu dhe Dardan Cena.