Botë

Kualifikime interesante në Hungari, Russell merr Pole Position

Published

3 years ago

30 July, 2022

Sapo kanë përfunduar kualifikimet për garën e Formula 1 në Hungari dhe është George Russell i Mercedes që ka fituar Pole Position dhe nesër do të niset i pari në garë, raporton TV TEMA.

Menjëherë pas tij vjen dyshja e Ferrarit, Carlos Sainz dhe Charles Lecler që luftuan deri në fund për Pole Position por që në fund britaniku i Mercedesit doli të jetë më i shpejtë.

Nga vendi i katërt do të niset Lando Norris me bolidin e tij McLaren, kurse menjëherë pas tij në vendin e pestë dhe të gjashtë do të jenë dyshja e Alpine, francezi Esteban Ocon dhe spanjolli Fernando Alonso që edhe një herë po tregojnë që bolidi i sivjetëm i Alpine F1 ka kapacitet të luftojë për pikë.

Lewis Hamilton i Mercedes u rendit i shtati, derisa shoku i tij i skuadrës Russell doli i pari në kualifikime.

Ishte ish shoku i skuadrës së Hamilton, Bottas që tani garon me Alfa Romeon që u rendit i teti, kurse Riccardo i McLaren i nënti.

Dyshja e Red Bull-it, Verstappen dhe Perez zhgënjyen sot, kandidati për kampion bote Verstappen u rendit i dhjeti në kualifikime pas telashe me bolid kurse Perez vetëm i njëmbëdhjeti.

I dymbëdhjeti u rendit kinezi Zhou i Alfa Romeo, kurse i trembëdhjeti dhe i katërmbëdhjeti, Magnussen i Haas dhe Stroll i Aston Martin respektivisht.

Nga vendi i pesëmbëdhjetë nesër do të niset djali i legjendës së sportit Schumacher, Mick Schumacher që garon me Haas F1 Team.

Në pozitën e gjashtëmbëdhjetë u rendit japonezi Tsunoda i Alpha Tauri, kurse i shtatëmbëdhjeti Alex Albon i Williams.

Sebastian Vettel, katër herë kampioni i botës do të niset nga vendi i tetëmbëdhjetë kurse Gasly dhe Latifi do të nisen të fundit.

Rendita e plotë:

George Russell, Mercedes
Carlos Sainz, Ferrari
Charles Leclerc, Ferrari
Lando Norris, McLaren
Esteban Ocon, Alpine F1
Fernando Alonso, Alpine F1
Lewis Hamilton, Mercedes
Valtteri Bottas, Alfa Romeo
Daniel Riccardo, McLaren
Max Verstappen, Red Bull
Sergio Perez, Red Bull
Zhou Guanyu, Alfa Romeo
Kevin Magnussen, Haas F1
Lance Stroll, Aston Martin
Mick Schumacher, Haas F1
Yuki Tsunoda, Alpha Tauri
Alex Albon, Williams
Sebastian Vettel, Aston Martin
Pierre Gasly, Alpha Tauri
Nicholas Latifi, Williams

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.