Ferizaj
2/3 e Kuvendit Komunal, në “gjumë”
Kuvendi Komunal i Ferizajt ka mbajt tri seanca që nga fillimi i vitit 2023.
Nga këto tri seanca, dy ishin të rregullta dhe një e jashtëzakonshme.
Nga tri seancat e Kuvendit Komunal, ajo që bie në sy më së shumti është se zakonisht janë fytyrat e njejta që dalin dhe flasin për thuajse secilën pikë të rendit të ditës, kurse ka kuvendarë që nuk u është dëgjuar zëri asnjëherë.
Kuvendarët komunal që nuk kanë fol asnjëherë apo vetëm një herë gjatë këtyre seancave janë plot 28 persona nga gjithsej 41 sa janë. Kjo i bie 68% e të gjithë asamblistëve.
Asamblistët që nuk e panë të udhës të flasin qoftë edhe për një çështje të vetme janë 16 nga ta, heshtarakët me renditje alfabetike janë: Agnesa Bobi-Syla nga AAK, Arbnor Murseli nga LVV, Arton Gavazi nga AAK, Besarta Shabani nga RDF, Erëza Hashani nga PDK, Faik Selmani nga PDK, Feriz Sejdiu nga PDK, Flora Abdullahu nga PDK, Florije Islami nga PDK, Hysnije Mustafa nga LVV, Ismajl Sejdiu nga NISMA, Jehona Mustafa Krasniqi nga LDK, Makfire Musa nga LVV, Mimoza Pajaziti nga PDK, Pakize Bujani nga Lista e Ashkanlinjëve dhe Valon Aliu nga PDK.
Kenan Gashi nga Avonet kërkon përgjegjësi ligjore por edhe morale nga ata që paguhen nga tatimpaguesit por nuk ngrisin asnjë çështje të vetme.
“Shumica dërrmuese e anëtarëve të Kuvendit Komunal vetëm fizikisht janë në ulëse kurse me diskutime nuk janë fare në sallë. Shumica e anëtarëve nuk e meritojnë të jenë pjesë e këtij Kuvendi. Ata do të duhej të bartin përgjegjësi për votën që kanë marr dhe së paku të ngritin një çështje, të paktën për zonën nga e cila vijnë“, thotë Gashi për TV TEMA.
Kuvendarë që në këto seanca kanë marr fjalën vetëm një herë janë 12, me renditje alfabetike radhiten në këtë mënyrë: Arbenita Berisha nga Nisma, Arbnore Salihu nga PDK, Besim Haziri nga LDK, Ejup Delolli nga PDK, Elbasan Osmani nga PDK, Gëzim Haxhimusa nga RDF, Habib Krosa nga Ne Mundemi, Lulzim Abazi nga PDK, Naser Beqiri nga LVV, Sylejman Metushi nga PDK, Verona Isaki nga LDK dhe Yllkë Neziri nga LVV.
Anëtarët tjerë të Kuvendit Komunal kanë marr fjalën së paku 2 herë.
Avoneti ka një thirrje për Kuvendarët e heshtur të Ferizajt.
“Ju bëjmë thirrje anëtarëve të Kuvendit të Komunës që së paku të kenë një diskutim të vetëm apo një adresim për ndonjë çështje që ka të bëjë me qytetarët. Së paku në pikën “të tjera” të diskutojnë për qytetin e Ferizajt. Është e keqe që pagën e marrin por jo edhe përgjegjësinë karshi kërkesave dhe ankesave të qytetarëve. Edhe nga ata që po diskutojnë ka që trajtojnë çështje personale të tyre karshi problematikave anëtar me anëtar”, u shpreh Gashi.
Kampionë të të folurit në Kuvendin Komunal gjatë këtyre tri seancave janë: Brahim Osmani nga LVV që ka fol 13 herë, Arian Imeri nga PDK që foli 12 herë dhe Adnan Selmani nga LVV që foli 8 herë.
Shiko si video:
Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.
Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.
“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.
Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).
Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.
Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.
Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.
Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.
Policia Rajonale në Ferizaj ka njoftuar se brenda 24 orëve të fundit është raportuar një aksident trafiku ku si pasojë u lëndua një person. Gjatë këtij harku kohor njësitet e trafikut kanë shqiptuar gjithsej 240 gjoba për kundërvajtje.
Më së shumti janë shqiptuar gjoba për tejkalim të shpejtësisë, 74 sosh dhe 48 të tjera për mosrespektim të shenjave të komunikacionit.
Po ashtu, si rezultat i shkeljeve të rënda të rregullave të trafikut, policia ka konfiskuar 1 automjet, 4 skuterë/motoçikleta dhe 4 patentë shoferë.
-
Ferizaj20 hours agoNdalohen dy persona për vrasjen e 32 vjeçarit në Ferizaj
-
Ferizaj6 days agoArrestohen dy persona në Ferizaj për sulm dhe therje me thikë
-
Botë1 week agoEvropa në valën e të nxehtit: Temperatura deri në 44°C
-
Botë1 week agoSHBA-ja dhe Irani janë pajtuar për një plan drejt arritjes së marrëveshjes përfundimtare, thonë ndërmjetësit
-
Kosovë6 days agoLDK-ja kërkon Presidencën: Abdixhiku ose Haziri
-
Ferizaj4 days agoPolicia në Ferizaj shqipton 240 gjoba trafiku në 24 orët e fundit
-
Kosovë3 days agoKQZ-ja shpall rezultatet përfundimtare të zgjedhjeve të qershor, hap rrugën për certifikimin e tyre
-
Ferizaj13 hours agoProkuroria kërkon paraburgim ndaj të dyshuarës për vrasjen në Ferizaj